Panelet informuese në kalanë e Rozafës, Shkodër
 Në muajin mars 2011, panelet informuese për kalanë e Rozafës, Shkodër, të përgatitura nga projekti FoAP në bashkëpunim me Zyrën për Administrimin dhe Koordinimin e Parkut arkeologjik Rozafa u vendosën në sit. Panelet, janë rrjedhojë e një sërvej të ndërmarrë nga projektit FoAP në kalanë Rozafa gjatë muajve shtator-tetor 2010, dhe paraqesin për herë të parë për këtë sit, planin e plotë të kalasë, monumentet dhe strukturat e dukshme në të, të shoqëruara me tekste përshkuese, shteg kalimet historike si edhe pamjet panoramike. Për përgatitjen e tyre u përdorën një seri teknikash dhe metodologjish, të tilla si TST, analiza të ortofotove dhe CAD.
Përfshirja e tyre në platformën GIS lejoi krijimin e një sërë analizash hapësinore të mureve dhe strukturave të identifikuara në lidhje me njëri-tjetrin dhe me terrenin, si dhe përftimin e hartave tematike sipas periudhës, tipit apo gjendjes fizike të tyre, etj.
|
