Fondacioni Trashëgimia Shqiptare, nëpërmjet projektit FoAP është i hapur të ofrojë këshillime dhe asistencë për klientë vendas dhe të huaj, të përfshirë në projektet e planifikimit, zhvillimit dhe infrastrukturës, si edhe për institucionet qeveritare përgjegjëse për menaxhimin dhe mbrojtjen e trashëgimisë.
Gjithashtu, ne kryejmë shërbime dhe këshillime për të tjerë klientë, ku përfshihen institucionet që merren me studimin dhe menaxhimin e të dhënave të trashëgimisë, universitetet dhe shkollat, kompanitë turistike, individë privatë, etj.

• Regjistrim dhe vlerësim i gjendjes së monumenteve arkeologjike dhe historike.
  
  
• Studim dhe vlerësim paraprak: studim arkeologjik dhe historik për sitet dhe peizazhet përreth tyre, ndërtesat historike dhe zonat historike, për identifikimin e pasurive të mundshme kulturore në territoret e propozuara për ndërtim.
  
  
• Vlerësimi i pasurive arkeologjike në rrezik dhe menaxhimi i tyre.
  
  
• Sërveje të qendrave dhe monumenteve arkeologjike e kulturore.
  
  
• Konsulta dhe ndërtim databaze si dhe platforma hartash në GIS për projekte dhe institucione që menaxhojnë të dhëna për site, monumente dhe peizazhe historike.
  
  
• Krijime hartash tematike dhe panele me karakter kërkimor, turistik dhe informativ.
  
  
• Konsulta dhe krijime guidash turistike.
  
  
• Prodhim i planeve në CAD, rindërtime 3D dhe paraqitje reale fotografike për site dhe territore historike.